សម្តេចក្រឡាហោម ស ខេង បានគូសបញ្ជាក់ថា កងកម្លាំងនគរបាលជួរមុខរបស់ប៉ុស្តិ៍ច្រកទ្វារអន្តរជាតិ និងប៉ុស្តិ៍ច្រកទ្វារព្រំដែនអន្តរជាតិទាំងអស់ ត្រូវយកចិត្តទុកដាក់លើកកម្ពស់សមត្ថភាពជំនាញក្នុងការបង្ការ រារាំងសមាសភាពអាក្រក់មិនទុកឱ្យព្រះរាជាណាចក្រកម្ពុជាធ្វើជាទីជម្រក ដើម្បីលាក់ខ្លួនចាត់តាំងសកម្មភាពភេរវកម្ម ឧក្រិដ្ឋកម្មឆ្លងដែនគ្រប់ប្រភេទ ឬ គេចពីសំណាញ់ច្បាប់ នៅប្រទេសក្រៅ ។

ជាងនេះទៅទៀតសម្តេចក្រឡាហោមបានបន្ថែមថា មន្ត្រីនគរបាលច្រកទ្វារទាំងអស់ក៏ត្រូវពង្រឹង ក្នុងការត្រួតពិនិត្យអ្នកដំណើរចេញ-ចូល និងការពិនិត្យឯកសារមិនប្រក្រតី និងបណ្តាមុខសញ្ញាផ្សេងៗក្នុងបញ្ជីខ្មៅអន្តោប្រវេសន៍ ដើម្បីវិនិច្ឆ័យ ដោះស្រាយប្រកបដោយប្រសិទ្ធភាព ជាមួយនេះ ត្រូវលើកកម្ពស់ការប្រើប្រាស់ និងការថែទាំប្រព័ន្ធបច្ចេកវិទ្យាព័ត៌មាន ដែលក្រសួងបំពាក់ជូនឱ្យបានល្អប្រសើរ និងអស់លទ្ធភាព ដើម្បីមានទិន្ន័យគ្រប់គ្រាន់សម្រាប់ការវិភាគ តាមដាន និងការដាក់ចេញនូវវិធានការចាំចាច់នានា ទៅតាមសំណូមពរការងារជាក់ស្តែង៕ គឹមអាន
ដោយ៖ នាយកដ្ឋានព័ត៌វិទ្យា