រសៀលថ្ងៃទី២០ ខែកក្កដា ឆ្នាំ២០១៧ នៅទីស្តីការក្រសួងមហាផ្ទៃ គណៈកម្មធិការជាតិអូឡាំពិកកម្ពុជា បានរៀបចំកិច្ចប្រជុំប្រកាសសុពលភាពគណៈកម្មាធិការប្រតិបត្តិសហព័ន្ធកីឡាប៊ូល និងប៉េតុងកម្ពុជា ក្រោមអធិបតីភាពដ៏ខ្ពង់ខ្ពស់
សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ។ នាឱកាសប្រកាសសុពលភាពគណៈកម្មាធិការប្រតិបត្តិសហព័ន្ធកីឡាប៊ូល ប៉េតុងកម្ពុជា សម្តេចក្រឡាហោម បានសំណេះសំណាលជាមួយ ទេសរដ្ឋមន្ត្រីក្រសួងទេសចរណ៍ ថ្នាក់ដឹកនាំក្រសួងមហាផ្ទៃ ថ្នាក់ដឹកនាំគណៈកម្មាធិការជាតិអូឡាំពិកកម្ពុជា និងកីឡាករ កីឡាការិនីទាំងអស់ ដែលបានចូលរួមក្នុងឱកាសនេះ។ សម្តេចក្រឡាហោម បានផ្តាំផ្ញើ និងក្តីព្រួយបារម្មណ៍ ចំពោះកីឡាករកីឡាការិនីទាំងអស់ សូមថែរក្សាសុខភាព ពង្រឹងសមត្ថភាពឱ្យកាន់តែមានប្រសិទ្ធភាពខ្ពស់ ព្រមទាំងកោតសរសើរដល់កីឡាករកីឡាការិនីទាំងអស់ ពិសេសអ្នកបានទទួលមេដៃមាស ដែលមានចំនួន៣រូប គឺប្រុសម្នាក់ ស្រី២នាក់ ហើយសម្តេចក៏បានសន្យាជួយឧបត្ថម្ភ គាំទ្រឱ្យអស់ពីលទ្ធភាព ដើម្បីឱ្យកីឡាទាំងនេះមានជ័យជំនះទាំងក្នុងឆាកជាតិ និងអន្តរជាតិនាថ្ងៃអនាគត៕