នាព្រឹកថ្ងៃព្រហស្បតិ៍ ទី២៣ ខែមករា ឆ្នាំ២០២០ ឯកឧត្តម នាយឧត្តមសេនីយ៍ សន្តិបណ្ឌិត ខៀវ សុភ័គ រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអនុញ្ញាតឱ្យលោក Tamas Magyar ប្រធានក្រុមហ៊ុនប្រឹក្សាផ្តល់យោបល់“ភ្នាក់ងារសន្តិសុខការពារអន្តរជាតិ" (IPSA) ព្រមទាំងសហការី ចូលជួបសំដែងការគួរសម និងពិភាក្សាការងារ នៅទីស្តីការក្រសួងមហាផ្ទៃ ដោយមានការចូលរួមពី អគ្គលេខាធិការរង នៃអគ្គលេខាធិការដ្ឋានក្រសួងមហាផ្ទៃ អគ្គស្នងការរង នៃអគ្គស្នងការដ្ឋាននគរបាលជាតិ និងមន្រ្តីពាក់ព័ន្ធផងដែរ។
កិច្ចជំនួបនេះក៏បានអនុញ្ញាតឱ្យតំណាង“ភ្នាក់ងារសន្តិសុខការពារអន្តរជាតិ" (IPSA) ធ្វើបទឧទ្ទេសនាមអំពីសំណើគម្រោង CAMBODIAN SOS SYSTEM សំដៅលើកកម្ពស់គុណភាពសេវារក្សាសន្តិសុខរបស់នគរបាលជាតិកម្ពុជា តាមរយៈការបំពាក់ឧបករណ៍ សម្ភារបច្ចេកទេស និងបច្ចេកវិទ្យាទំនើបៗ និងការហ្វឹកហ្វឺនកងកម្លាំងនគរបាល៕ រតនា
ដោយ៖ នាយកដ្ឋានព័ត៌មានវិទ្យា