ព្រឹកថ្ងៃព្រហស្បតិ៍ ទី១២ ខែធ្នូ ឆ្នាំ២០១៩ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញជាអធិបតី ក្នុងកិច្ចប្រជុំពិភាក្សារបាយការណ៍ ស្តីពីលទ្ធផល នៃការចុះអង្កេតស្រាវជ្រាវ ករណីសំណើសុំរបស់ប្រជាពលរដ្ឋ១រូប សូមគោរពជូនសម្តេចក្រឡាហោម មេត្តារកយុត្តិធម៌ និងជួយអន្តរាគមន៍ ចាត់វិធានការតាមនីតិវិធីច្បាប់ ចំពោះអាជ្ញាធរខណ្ឌ និងសង្កាត់ ដោយត្រូវចោទថាបានឃុបឃិតគ្នាជាប្រព័ន្ធ រៀបចំលិខិតស្នាមប្រឌិតរឿងភូតកុហកដើម្បីធ្វើសកម្មភាពបំពានដោយខុសច្បាប់មកលើដីមួយកន្លែងជាកម្មសិទ្ធស្របច្បាប់របស់គាត់នៅភូមិសាស្រ្តរាជធានីភ្នំពេញ ថាមានសំណូមពររបស់ប្រជាពលរដ្ឋដោយមានផ្តិតស្នាមមេដៃសុំមកអាជ្ញាធរធ្វើការជួសជុលផ្លូវឡើងវិញដើម្បីពួកគេធ្វើដីស្រែប្រាំងដែលអះអាងថាជាផ្លូវចាស់យូរហើយ ដោយផ្លូវនេះបានជាន់ត្រូវនឹងព្រំដីរបស់គាត់ ហើយគាត់បានបដិសេធថា ព្រំដីរបស់គាត់មិនមែនជាផ្លូវសាធារណៈ និងនៅទីនោះក៏ពុំដែលមានផ្លូវសាធារណៈនោះដែរ។
កិច្ចប្រជុំនេះប្រព្រឹត្តទៅ នៅសាលប្រជុំរបស់ អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន