សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសចូលកាន់មុខតំណែងអភិបាល អភិបាលរង នៃគណៈអភិបាលខេត្តកំពង់ចាម
នាព្រឹកថ្ងៃទី ២៧ ខែមិថុនា ឆ្នាំ២០១៧ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសចូលកាន់មុខតំណែងអភិបាល អភិបាលរង នៃគណៈអភិបាលខេត្តកំពង់ចាម ជាផ្លូវការ។ ក្នុងពិធីប្រកាសតែងតាំង អភិបាល អភិបាលរង នៃគណៈអភិបាលខេត្តកំពង់ចាមថ្មីនេះដែរ សម្តេចក្រឡាហោម បានមានប្រសាសន៏សំណេះសំណាល ព្រមទាំងការលើកទឹកចិត្តដល់ថ្នាក់ដឹកនាំដែលទទួលបានតំណែងថ្មី ត្រូវផ្តល់នូវសច្ចៈភាព សុខសន្តិភាព និងសុវត្តិភាពដល់បងប្អូនប្រជាពលរដ្ឋនៅតាមមូលដ្ឋាន ស្រុក ក៏ដូចជាខេត្ត ដើម្បីបន្តទទួលបាននូវជំនឿទុកចិត្ត និងបញ្ជាសឱ្យបាននូវការបង្កឱ្យមានភាពថ្នាំងថ្នាក់ ពីសំណាក់បងប្អូនប្រជាពលរដ្ឋ ជាពិសេសបង្កេីនប្រតិបត្តិការលុបបំបាត់ឱ្យបាននូវបញ្ហាគ្រឿងញៀនទូទាំងខេត្ត៕
