អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំពិភាក្សារបាយការណ៍ស្តីពី លទ្ធផល នៃការចុះអង្កេតស្រាវជ្រាវ ករណីពាក្យបណ្តឹងរបស់ប្រជាពលរដ្ឋ០១
នារសៀលថ្ងៃពុធ ទី៤ ខែធ្នូ ឆ្នាំ២០១៩ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញបើកកិច្ចប្រជុំពិភាក្សារបាយការណ៍ស្តីពី លទ្ធផល នៃការចុះអង្កេតស្រាវជ្រាវ ករណីពាក្យបណ្តឹងរបស់ប្រជាពលរដ្ឋ១រូប សូមគោរពជូនសម្តេចក្រឡាហោម មេត្តាជួយរកយុត្តិធម៌ ដោយចោទប្រកាន់លើ លោកអធិការរងស្រុក១រូប ពីបទឃាត់ខ្លួនកូនប្រសាររបស់គាត់ដោយខុសច្បាប់ ចំពេលសាមីខ្លួនចូលរោងការបណ្តាលឱ្យកម្មវិធីប្រព្រឹត្តទៅដោយគ្មានកូនកំលោះ ធ្វើឱ្យក្រុមគ្រួសាររបស់គាត់ទទួលរងនូវក្តីអាម៉ាស់ដល់កិត្តិយស និងសេចក្តីថ្លៃថ្នូរ។ កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន
