នាទីស្តីការក្រសួងមហាផ្ទៃ នៅព្រឹកថ្ងៃពុធ ទី២៧ ខែវិច្ឆិកា ឆ្នាំ២០១៩ បានលើកយកសេចក្តីព្រាងច្បាប់ ស្តីពីសណ្តាប់ធ្នាប់នៅទីសាធារណៈ មកពិភាក្សាដើម្បីធ្វើយ៉ាងណាឱ្យច្បាប់នេះកាន់តែល្អប្រសើរបន្ថែមទៀត ដែលកិច្ចប្រជុំនេះដឹកនាំដោយ ឯកឧត្តមនាយ ឧត្តមសេនីយ៍ សន្តិបណ្ឌិត អ៊ុក គឹមលេខ រដ្ឋលេខាធិការ ក្រសួងមហាផ្ទៃ។
កិច្ចប្រជុំនេះបានពិភាក្សា លើចំនុចសំខាន់ៗមួយចំនួននៃសេចក្តីព្រាងច្បាប់ស្តីពីសណ្តាប់ធ្នាប់នៅទីសាធារណៈ ដែលបានចែកចេញជា ៨ជំពូក រួមមាន ៖ ជំពូកទី១ស្តីពី បទបញ្ញត្តិទូទៅ , ជំពូកទី២ស្តីពី សមត្ថកិច្ច សិទ្ធអំណាច និងវិធានការ , ជំពូកទី៣ ស្តីពីការរៀបចំរបៀបរៀបរយ , ជំពូកទី៤ស្តីពី ការរក្សាភាពស្ងប់ស្ងាត់និងសុវត្ថិភាព , ជំពូកទី៥ស្តីពី ការគោរពទំនៀមទំលាប់ប្រពៃណីជាតិ និងសេចក្តីថ្លៃថ្លូរ, ជំពូកទី៦ស្តីពី ទោសប្បញ្ញតិ, ជំពូកទី៧ស្តីពី អន្តរប្បញ្ញតិ និងជំពូកទី៨ស្តីពី អវសានប្បញ្ញតិ។ កិច្ចប្រជុំនេះដែរក៏មានការចូលរួមដោយថ្នាក់ដឹកនាំ និងមន្រ្តីជំនាញពាក់ព័ន្ធផងដែរ៕ គឹមអាន
ដោយ៖ នាយកដ្ឋានព័ត៌មានវិទ្យា
