អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំពិភាក្សារបាយការណ៍ស្តីពី ករណីសំណើរបស់ប្រជាពលរដ្ឋ១រូប សូមគោរពជូនសម្តេចក្រឡាហោម ជួយរកយុត្តិធម៌
ព្រឹកថ្ងៃអង្គារ ១៥រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៦ ខែវិច្ឆិកា ឆ្នាំ២០១៩ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញបើកកិច្ចប្រជុុពិភាក្សារបាយការណ៍ស្តីពី ករណីសំណើសុំរបស់ប្រជាពលរដ្ឋ១រូប សូមគោរពជូនសម្តេចក្រឡាហោម មេត្តាជួយរកយុត្តិធម៌ ចំពោះលោកឧត្តមសេនីយ៍ ១រូប ថាបានរំលោភលើទំនុកចិត្ត និងឆបោកប្រាក់ ពាក់ព័ន្ធនឹងដីនៅខេត្តបាត់ដំបង។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន
