នារសៀលថ្ងៃទី១៣ ខែមិថុនា ឆ្នាំ២០១៧ នៅសាលប្រជុំអាគាអេ នៃទីស្តីការក្រសួងមហាផ្ទៃ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអនុញ្ញាតឱ្យ អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារឯកទេស វីង ចូលជួបដើម្បីពិភាក្សាការងារ។ ក្នុងកិច្ចប្រជុំនេះគឺផ្តោតលើគោលបំណង ដើម្បីជួយការិយាល័យច្រកចេញចូលតែមួយក្នុងការផ្លាស់ប្តូរដំណើរការទូទាត់សាច់ប្រាក់ដោយផ្ទាល់ ទៅជាការទូទាត់មួយដែលមានលក្ខណៈសាមញ្ញ រហ័ស មានប្រសិទ្ធភាពនិងងាយស្រួលសម្រាប់ប្រជាពលរដ្ឋ។ ម៉្យាងវិញទៀត ការទូទាត់នេះ អាចផ្តល់អត្ថប្រយោជន៍ចម្បង សម្រាប់ការិយាល័យច្រកចេញតែមួយ ដូចខាងក្រោមៈ
១-បង្កើនទំនុកចិត្តពីសាធារណៈ
២-ពង្រីកបណ្តាញនៃនាយកដ្ឋានច្រកចេញចូលតែមួយ
៣-ការគ្រប់គ្រងឱ្យមានប្រសិទ្ធភាពដើម្បីកាត់បន្ថយពេលវេលា
៤-បង្កើនចំណូលសម្រាប់នាយកដ្ឋានច្រកចេញចូលតែមួយ
៥-ផ្តល់នូវតម្លាភាពក្នុងការប្រមូលចំណូល និងថ្លៃសេវា
៦-មានការផ្តល់ជូននូវរបាយការណ៍ហិរញ្ញវត្ថុ និងការទូទាត់ហិរញ្ញវត្ថុដ៏ត្រឹមត្រូវ
៧-មានការសហការជាមួយរដ្ឋាភិបាល ក្នុងការប្រើប្រាស់បច្ចេកវិទ្យា និងការអភិវឌ្ឍន៍ថ្មី តាមរយៈភាព