ព្រឹកថ្ងៃសុក្រ ទី១ ខែវិច្ឆិកា ឆ្នាំ២០១៩ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋានក្រសួងមហាផ្ទៃ និងជាអនុប្រធានក្រុមការងារថ្នាក់ជាតិចុះជួយស្រុកបាភ្នំ អញ្ជើញជាអធិបតីក្នុងពិធីបើកបវេសនកាលឆ្នាំសិក្សាថ្មី ២០១៩-២០២០ ត្រូវនឹងថ្ងៃទី១ ខែវិច្ឆិកា ឆ្នាំ២០១៩ និងប្រគល់ប័ណ្ណសរសើរ រង្វាន់ជូនសិស្សពូកែ នៅវិទ្យាល័យបឹងព្រះ ស្ថិតក្នុងឃុំបឹងព្រះ ស្រុកបាភ្នំ ខេត្តព្រៃវែង។ ឯកឧត្តមបានមានប្រសាសន៍ថា កត្តាធនធានមនុស្សជាកត្តាសំខាន់សម្រាប់ចូលរួមការអភិវឌ្ឍន៍ប្រទេសជាតិ ការសិក្សាគ្មានទីបញ្ចប់នោះទេ សូមប្អូនសិស្សានុសិស្សព្យាយាមស្រាវជ្រាវអ្វីៗថ្មី ដើម្បីបង្កើនចំណេះដឹងរបស់ខ្លួន។ ការអប់រំជាកូនសោគន្លឹះសម្រាប់ដោះស្រាយបញ្ហានានាក្នុងគ្រួសារ សង្គម ដែលរាជរដ្ឋាភិបាលបានយកចិត្តទុកជាចំនុចស្នូលក្នុងការអភិវឌ្ឍប្រទេសជាតិ។ ក្រោមការដឹកនាំរបស់សម្តេចតេជោ បញ្ហាផ្លូវ ទឹក ភ្លើង ជារូបវន្តសម្រាប់ការអភិវឌ្ឍប្រទេស ហើយក្រោមការដឹកនាំគណបក្សប្រជាជនមិនបានយកពន្ធលើដីស្រែនៅឡើយទេ។
ឯកឧត្តមបានសំដែងការកោតសសើរ លោកគ្រូ អ្នកគ្រូ អាណាព្យាបាល អាជ្ញាធរគ្រប់គ្នាលំដាប់ថ្នាក់ បានចូលរួមអភិវឌ្ឍវិស័យអប់រំ និងផ្តាំផ្ញើរប្អូនៗចៀសអោយផុតពីគ្រឿងញៀន សូមគោរពច្បាប់ចរាចរណ៍ និងខិតខំយកអោយបាននិទ្ទេស A។ ពាក់ពន័្ធសភាពការណ៍បច្ចុប្បន្ន សូមកុំចាញ់កលពីក្រុមអគតិមួយចំនួន កុំចូលរួមក្នុងចលនានេះវាជាអំពើខុសច្បាប់ ក្នុងគោលបំណងផ្តួលរលំរាជរដ្ឋាភិបាលស្របច្បាប់។ ជាចុងបញ្ចប់ ឯកឧត្តមបានផ្តាំផ្ញើ សូមប្អូនៗខិតខំរៀនសូត្រចៀសឆ្ងាយពីគ្រឿនញៀន និងបើកបរគោរពច្បាប់ចរាចរណ៍ ព្រមទាំងបន្តគាំទ្រដល់មូលនិធិសិស្សពូកែប្រចាំវិទ្យាល័យជាបន្តបន្ទាប់ ដើម្បីលើកទឹកចិត្តដល់ប្អូនៗអោយខិតខំរៀនសូត្រ។ បន្ទាប់មក ឯកឧត្តមបានប្រគល់ប័ណ្ណសរសើរ រង្វាន់លើកទឹកចិត្តដល់សិស្សពូកែ បានឧបត្ថម្ភលោកគ្រូចូលនិវត្តន៍ផង ព្រមទាំងថតរូបអនុស្សាវរីយ៍ផងដែរ។
សូមបញ្ជាក់ពិធីនេះ មានការអញ្ជើញចូលរួមពី លោកគ្រូ អ្នកគ្រូ អាណាព្យាបាលសិស្ស អាជ្ញាធរ សិស្សានុសិស្ស សរុបជាង១,០០០នាក់៕
ប្រភព៖ អគ្គាធិការដ្ឋាន
