នៅរសៀលថ្ងៃចន្ទទី២៨ ខែតុលា ឆ្នាំ២០១៩ ក្រសួងមហាផ្ទៃ បានបើកកិច្ចប្រជុំពិភាក្សាលើសេចក្តីព្រាងកែសម្រួលអនុក្រឹត្យលេខ១០៩ អនក្រ.បក ចុះថ្ងៃទី១៩ ខែសីហា ឆ្នាំ២០១៥ ស្តីពីការរៀបចំ និងការប្រព្រឹត្តទៅរបស់ក្រសួងមហាផ្ទៃ នាទីស្តីការក្រសួង ដែលដឹកនាំកិច្ចប្រជុំដោយ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ និងមានការអញ្ជើញចូលរួមពី រដ្ឋលេខាធិការ អនុរដ្ឋលេខាធិការ អគ្គនាយក នៃអគ្គនាយកដ្ឋាននានា មន្រ្តីជំនាញ និងអង្គភាពចំណុះពាក់ព័ន្ធជាច្រើន។
សូមជម្រាបថា ការប្រជុំពិភាក្សាព្រាង និងកែសម្រួលលើអនុក្រឹត្យ១០៩នេះ គឺធ្វើឡើងជាមួយអគ្គនាយកដ្ឋាន និងអង្គភាពសាមីពាក់ព័ន្ធក្រោមចំណុះនានា នៃក្រសួងមហាផ្ទៃ ដែលអនុក្រឹត្យនេះនិងត្រូវរៀបចំបើកកិច្ចប្រជុំសម្រេចចុងក្រោយ បន្ទាប់ពីបានពិភាក្សាល្អិតល្អន់កែសម្រួលដោយមានការឯកភាពពីបណ្តាអង្គភាពសាមីពាក់ព័ន្ធរួចមក ជាងនេះទៀតអនុក្រឹត្យនេះកំពុងត្រូវបានកែសម្រួលឱ្យបានសមស្របស្តីពីការប្រព្រឹត្តទៅ នៃក្រសួងមហាផ្ទៃ៕ រតនា
ដោយ៖ នាយកដ្ឋានព័ត៌មានវិទ្យា
