ក្រុមប្រឹក្សានីតិកម្ម ក្រសួងមហាផ្ទៃ បើកកិច្ចប្រជុំផ្សព្វផ្សាយសភាពការណ៍បច្ចុប្បន្ន
នាព្រឹកថ្ងៃចន្ទទី ២៨ ខែតុលា ឆ្នាំ២០១៩ ក្រុមប្រឹក្សានីតិកម្ម ក្រសួងមហាផ្ទៃ បើកកិច្ចប្រជុំផ្សព្វផ្សាយសភាពការណ៍បច្ចុប្បន្ន ក្រោមអធិបតីភាព ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ នាទីស្តីការក្រសួងមហាផ្ទៃ ដោយមានការចូលរួមពី ថ្នាក់ដឹកនាំ ប្រធាន អនុប្រធាននាយកដ្ឋាន ប្រធាន អនុប្រធានការិយាល័យ និងមន្ត្រីពាក់ព័ន្ធ នៃក្រុមប្រឹក្សានីតិកម្មជាច្រើនរូប។
កិច្ចប្រជុំនេះ ធ្វើឡើងដើម្បីផ្សព្វផ្សាយ និងពង្រឹងពីតួនាទីភារកិច្ចរបស់មន្រ្តីទាំងអស់ ក្នុងការអនុវត្តការងារ និងការថែរក្សាការពារសន្តិសុខ សុវត្ថិភាព សណ្តាប់ធ្នាប់ ស្ថេរភាពសង្គម ជាពិសេសការឆ្លើយតបបានទាន់ពេលវេលា តាមបទបញ្ជារបស់ថ្នាក់ដឹកនាំប្រកបដោយប្រសិទ្ធភាពខ្ពស់៕ រតនា
ដោយ៖ នាយកដ្ឋានព័ត៌មានវិទ្យា
