នៅទីស្តីការក្រសួងមហាផ្ទៃ នារសៀលថ្ងៃព្រហស្បតិ៍ ទី១៧ ខែតុលា ឆ្នាំ២០១៩នេះ ឯកឧត្តម ហ៊ុយ វណ្ណៈ រដ្ឋលេខា ធិការ ក្រសួងមហាផ្ទៃ បានអញ្ជើញដឹកនាំបើកកិច្ចប្រជុំពិភាក្សា ក្រុមការងារ​តាមដាន​សង្គម (Facebook) របស់ សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជា​ណាចក្រកម្ពុជា និងប្រព័ន្ធទំនាក់ទំនង បណ្តាញសង្គម និងសារព័ត៌មាន (Media and Social Network) ផ្សេងៗទាក់ទងនឹង សមត្ថកិច្ចរបស់ក្រសួង មហាផ្ទៃ ដោយមានការចូលរួមពី អគ្គលេខា​ធិការ​រង នៃអគ្គលេខាធិការដ្ឋានក្រសួងមហាផ្ទៃ អគ្គនាយករង នៃអគ្គ នាយកដ្ឋានរដ្ឋបាល អគ្គស្នងការរង នៃអគ្គស្នងការដ្ឋាននគរបាលជាតិ អគ្គនាយករង នៃអគ្គនាយកដ្ឋានអន្តោប្រវេសន៍ អគ្គនាយករង នៃអគ្គនាយកដ្ឋានអត្តសញ្ញាណកម្ម អគ្គនាយករង នៃអគ្គនាយកដ្ឋានភស្តុភា និងហិរញ្ញវត្ថុ អនុប្រធាន បណ្ឌិត្យសភានគរបាលកម្ពុជា ព្រមទាំង អគ្គនាយករង នៃអគ្គនាយកដ្ឋាននានា និងប្រធាននាយកដ្ឋាន ពាក់ព័ន្ធជា ច្រើនរូបផងដែរ។

កិច្ចប្រជុំនេះ ធ្វើឡើងដើម្បីពិភាក្សារៀបចំយន្តការនានា ក្នុងការឆ្លើយតប និងដោះស្រាយចំពោះ​មតិ​មហាជនដែល បានលើកឡើង ឬចូលបញ្ចេញមតិនៅក្នុងទំព័រទំនាក់ទំនងហ្វេសប៊ុក (facebook) របស់​សម្ដេចអគ្គមហាសេនា បតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងទំព័រ​បណ្ដាញទំនាក់ទំនងសង្គម និងសារព័ត៌មាន ផ្សេងៗដែលទាក់ទងទៅនិងសមត្ថកិច្ច​របស់​ក្រសួងមហាផ្ទៃ។

ដោយបច្ចុប្បន្នប្រទេសកម្ពុជា កំពុងមានការរីកចម្រើនខ្លាំងលើវិស័យនានា ជាពិសេសវិស័យបច្ចេកកម្ពុជា ទំនើបបែប សុីវីល័យ ទន្ទឹមនោះប្រជាពលរដ្ឋក៏ចាប់ផ្ដើមរស់នៅដោយប្រើប្រាស់មធ្យោបាយតាមបែបបច្ចេកវិទ្យាទំនើប ឯកឧត្តម ហ៊ុយ វណ្ណៈ បានមានប្រសាសន៍លើកឡើងថា ដោយសម្លឹងមើលឃើញនៅការសំដែងមតិ ក៏ដូចជាការរិះគន់ ជា សាធារណៈ មានការកើនឡើងនោះ ឯកឧត្តម បានស្នើឱ្យសមាជិកក្រុមការងារទាំងអស់ ដែលមានតួនាទីភារកិច្ចក្នុង ក្របខណ្ឌក្រុមការងារ ត្រូវយកចិត្តទុកដាក់អនុវត្តតួនាទីភារកិច្ចរបស់ខ្លួនទៅតាមជំនាញរៀងៗខ្លួន ដើម្បីឆ្លើយតប និង ការដោះស្រាយឱ្យបានទាន់ពេលវេលា៕រតនា

ដោយ៖ នាយកដ្ឋានព័ត៌មានវិទ្យា

រតនា

ដោយ៖ នាយកដ្ឋានព័ត៌មានវិទ្យា