អគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ នៅព្រឹកថ្ងៃ ព្រហស្បតិ៍ ទី២៩ ខែសីហា ឆ្នាំ២០១៩ បានបើកកិច្ចប្រជុំការអនុវត្តនីតិវិធីលទ្ធកម្ម បើកកញ្ចប់ឯកសារដេញថ្លៃចំនួន០៣គម្រោង ក្រោមអធិបតី ឯកឧត្តម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ សម្រាប់នាយកដ្ឋានផែនការសេដ្ឋកិច្ច និងហិរញ្ញវត្ថុ ផ្នែករដ្ឋបាលទូទៅ និង០៣គម្រោងទៀតសម្រាប់នាយកដ្ឋានផែនការសេដ្ឋកិច្ច និងហិរញ្ញវត្ថុ ផ្នែកសន្តិសុខ សាធារណៈ។
កិច្ចប្រជុំការអនុវត្តនីតិវិធីលទ្ធកម្មនេះ ក៏មានការអញ្ជើញចូលរួមពី ឯកឧត្តម សន្តិបណ្ឌិត ម៉ៅ ប៊ុនណារិន រដ្ឋលេខាធិការក្រសួងមហាផ្ទៃ, ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយកនៃអគ្គនាយកដ្ឋាន ភស្តុភារនិងហិរញ្ញវត្ថុ, ប្រធាន អនុប្រធាននាយកដ្ឋាន ប្រធាន អនុប្រធានអង្គភាពលទ្ធកម្ម ,តំណាងក្រសួង សេដ្ឋកិច្ចនិងហិរញ្ញវត្ថុ, តំណាងក្រុមហ៊ុននិងមន្ត្រីពាក់ព័ន្ធជាច្រើនរូបទៀត។ គឹមអាន