នារសៀលថ្ងៃ ពុធ ទី៣១ ខែកក្កដា ឆ្នាំ២០១៩ នៅទីស្តីការក្រសួងមហាផ្ទៃ ឯកឧត្តម សក់ សេដ្ឋា រដ្ឋមន្រ្តីស្តីទីក្រសួងមហាផ្ទៃ បានអនុញ្ញាតឲ្យ លោកជំទាវ Pascala BEARISWYL រដ្ឋលេខាធិការ ក្រសួងការបរទេសស្វីស ចូលសម្តែងការគួរសម និងពិភាក្សាការងារ ដោយមានការចូលរួមពីថ្នាក់ដឹកនាំក្រសួងមហាផ្ទៃជារូបផងដែរ
ឯកឧត្តម សក់ សេដ្ឋា បានមានប្រសាសន៍សម្ដែងនូវការអរគុណចំពោះរដ្ឋាភិបាលស្វីសដែលបានជួយមករដ្ឋាភិបាលកម្ពុជាលើវិស័យសុខាភិបាលតាមរយៈមន្ទីរពេទ្យគន្ធបុប្ជា និងចំពោះការជួយគាំទ្រមកលើកំណែទម្រង់ រដ្ឋបាលថ្នាក់ក្រោមជាតិដែលកន្លងមកធ្វើគាត់បានជួយកំណែទម្រង់នេះរយៈពេល ៣ ឆ្នាំបានបញ្ចប់ហើយ ប៉ុន្តែគម្រោងនេះបានបន្តទៀតតាមរយៈធនាគារពិភពលោកដែលមានទឹកប្រាក់ប្រមាណ ៤,១០០,០០០ដុល្លា។ ឯកឧត្តមក៏បានស្នើសុំឲ្យរដ្ឋាភិបាលស្វីសជួយរៀបចំកសាងផែនជាតិលើកទី២ក្នុងការជួយជំនួយបច្ចេកទេស ដើម្បីឲ្យផែនការលើកទី២នេះបន្តប្រកបដោយប្រសិទ្ធភាព និងប្រសិទ្ធផលផងដែរ៕ គឺមអាន
ដោយ៖ នាយកដ្ឋានព័ត៌មានវិទ្យា