សម្តេចក្រឡាហោម ស ខេង នឹងដឹកនាំគណៈប្រតិភូជាន់ខ្ពស់ក្រសួងមហាផ្ទៃ បំពេញទស្សនកិច្ចផ្លូវការរយៈពេល០៥ថ្ងៃ នៅសាធារណរដ្ឋតួកគី
នៅថ្ងៃទី២៦ ខែកក្កដា ឆ្នាំ២០១៩ ក្រសួងមហាផ្ទៃ បានចេញសេចក្តីប្រកាសព័ត៌មាន ស្តីពីការអញ្ជើញដឹកនាំគណៈប្រតិភូជាន់ខ្ពស់របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ នៃព្រះរាជាណាចក្រកម្ពុជា ទៅបំពេញទស្សនកិច្ចផ្លូវការរយៈពេល០៥ថ្ងៃ នៅសាធារណរដ្ឋតួកគី ចាប់ពីថ្ងៃទី២៨ ខែកក្កដា ដល់ថ្ងៃទី០១ ខែសីហា ឆ្នាំ២០១៩។
សូមបញ្ជាក់ថា ក្នុងដំណើរទស្សនកិច្ចនេះ សម្តេចក្រឡាហោម នឹងជួបពិភាក្សាការងារជាមួយ ឯកឧត្តម SULEYMAN SOYLU រដ្ឋមន្រ្តីក្រសួងមហាផ្ទៃ នៃសាធារណរដ្ឋតួកគី និងអញ្ជើញចុះហត្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការលើវិស័យសន្តិសុខ រវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋតួកគី៕ រម្យ
ដោយ៖ នាយកដ្ឋានព័ត៌មានវិទ្យា
